أغلب الناس تعتقد إن المنظومة نفسها و لكن في إختلافات كتير و بالتالي في أخطاء كبيرة جداً ممكن تقع فيها لو جربت تستورد بضاعتك الخاصة. هنذكر شوية منهم على سبيل المثال لا الحصر.

1- إنك تفكر تجيب منتج ناجح و trend حالياً في نفس الدولة الي حابب تشتغل فيها فتقرر تستورد المنتج لكن عند وصوله تلاقي المبيعات بتيجي بصعوبة و محدش بيشتريه... لإن بكل بساطة المنتج إتحرق

2- إنك تجيب بضاعة من المنتج أكثر من إلي تقدر تبيعه... و بالتالي يبقى عندك مخزون من بضاعة صعب تبيعها

3- إنك تحسب الأرقام غلط أو تتفاجئ بنسب تسليمات أو تأكيدات ضعيفة

4- إنك تسعر المنتج غلط و متبقاش عارف تحسب الرسوم و التكاليف كلها صح

5- إن دورة رأس المال أبطأ لإن هنا بتستورد المنتج و تستناه لحد ما يوصل عشان تشتغل عليه

لكن زي ما في عيوب كبيرة في مزايا ضخمة لنظام ال E-COMMERCE!

1- منافسة شبه معدومة أو قليلة لإن بكل بساطة المنتج الي هتستورده بنفسك مش هيبقى عند حد غيرك و حتى لو جبت منتج من مورد محلي فعالأقل كدة كل ال dropshippers برة المنافسة لإنك هتختار منتج مش موجود في ال affiliate systems

2- قابلية لل scaling بشكل غير محدود يعني لو المنتج ناجح ممكن تجيب كمية زي ما تحب

3- أسعار أرخص... لك أن تتخيل إن أحد المنتجات استوردناها من الصين و كانت تكلفة القطعة 4.6$ أو 18 ريال و بعد فترة لقينا منصة دروبشيبينج عارضه نفس المنتج ب 80 ريال!!!

4- إنك تتوسع في منتج شغال عليه أصلاً بنظام الدروبشيبينج يعني لو في منتج في منصة دروبشيبينج كنت شغال عليه و خلص و لقيته كويس و نفسك تجيب منه stock تاني تقدر تعمل كدة بسهولة و بسرعة كمان

5- تحكم أكبر سواء في الأسعار أو البضاعة أو البلد الي هتستورد ليها أو لو عايز لون أو حجم أو ماركة معينة من منتج أو منتج تطبع عليه ال logo بتاعك و هكذا